Wasiirka Gaashaandhigga Xukuumadda Federaalka Soomaaliya, Mudane Axmed Macallin Fiqi, ayaa maanta xafiiskiisa ku qaabilay wafdi uu hoggaaminayo Danjire Ali Onaner, Agaasimaha Guud ee Waaxda Afrika ee Wasaaradda Arrimaha Dibadda Jamhuuriyadda Turkiga.
Kulanka ayaa looga hadlay xoojinta iskaashiga labada dal ee dhinacyada difaaca iyo horumarinta ciidamada.
Waxaa kulanka goob-joog ka ahaa Xoghayaha Joogtada ah ee Wasaaradda, Cabdifitaax Cabdulqaadir Faarax, Safiirka Turkiga ee Soomaaliya, Mudane Alper Aktaş iyo xubno kale.
